للكوسة فى بلادنا شئون

للكوسة فى بلدنا شئون بتخلى المسنود فرعون يتفرعن فين مهما يكون وتخلى الجاهل استاذ والاعرج لاعب جمباز وتخلى الاحول هداف والكره الOUTفى الجون للكوسة فى بلادنا شئون لوتعرف واحد فى الشرطه راح تخرج من اجدع ورطه والراجل الى انت ظلمته تلاقيه متلقح مسجون للكوسه فى بلادنا شئون ولو تعرف شخصية كبيره شغاله فى البنك مديره راح تاخد من غير ضمانات كام قرض بمليون مليون وهروبك طبعا مضمون وياعينى لو تعرف نايب فى المجلس مش نايم خايب راح تبنى ابراج وهميه اوراقها مظبوطه اكيد وفلوس الناس المهريه هتجيلك من الجيب للايد بعديها تروح المستشفى وتقيد نفسك مجنون احكامك تسقط فى سعتها ويروح منك كام مليون وياعينى لو تعرف شيخ فجنبك طاهر على طول وصيامك طبعا مقبول ولو فرضا حبيت تتجوز تتجوز من غير مازون ولو ساكن فى عماره جديد وحبيبك راجل مسؤل فسيداتك من غير متقول هيركبلك فورا تليفون ولو قلنا عندك عربيه ونمرها سودا بنسرين هتعدى اجدعها كمين وهتكسر اوضحها اشاره مهو نمرتك سودا جباره ولا تعرف ايتها قانون ولو انت تعرف فران او واحد بياع جرنان راح تاخد طلبك وهتمشى والباقى بعدك هيغور مهو كلوا غيرك بيهون ولو انت زميل الحلاق راح تحلق اولها زبون ولو انت تعرف دكتور هتعيش مطمن مستور وهتسلك فى لجان الشفوى ومجال تعيينك موفور وهتطلع فى التلفزيون بالبدله وبيها ببيون تتكلم وبكل بساطه عن شرف المهنه المدفون لكن لو شاعر غلبان قلت الى فى نفسك على طول هيقولوا مي نقلك قول ويحاربك مليون انسان اصل للكوسه فى بلدنا شئون

هو ده حال البلد بالضبط

[img][/img]
جميييلة يا مون مون تسلم ايدك ومنتظرين ابداعك الدائم